كان بقالنا سنتين بنعمل شراكة مع البنك الأهلي المصري لعمل هدايا عيد الأم وكانت فكرة البنك إن نوظف قماش تطريز من بئر العبد في شمال سيناء مع حرف جمعية تواصل المختلفة لعمل شنطة مميزة وتشبيك الإمكانيات. فالسنة دي فكرنا سوا إن نكبر المشروع وإن الهدية متبقاش من مكانين بس ونبني علي الفكرة ونزود عدد المستفيدات في كل حته في مصر وتكون الهدية فيها حرف مصر التراثية ونوثق حرف مصر كلها.
ولأول مرة اتعمل مفرش مجمع patchwork
بيحكي عن تاريخ مصر وحكايتها والجغرافيا وعملنا مفرش فيه DNA حرف مصر.
ولفينا مصر وعملنا مفرش عبارة عن حته من مصر.
مفرش معمول من أهل مصر لبنك أهل مصر.
شوفنا كل حرفة وكل منطقة وكل تراث ووثقناه في المفرش.
وشوفنا قد إيه مصر جميلة بناسها وباختلافها وتجانسها.
